Mbiymi ko Ndoondi haali?

CEERNO AM Amadou Samba Dembele, yimanimi , weltinimi:
Mbiymi ko Ndoondi haali?:

Kaaw Tokosel, aan he laaɓndaade
Karamako Mawngal… ko miin he jaabaade
Kono mbokkitee lohi mon heɗiiɓe haaldaaɓe
Sabu mi wonaa seyɗaane kadi wonaa lammba
Kono so mi welaama mi yanna on bammba

Miin ma mi haalane ko ndoondi haali
So suka dilli wiya ko ndoondi haali
Mawɗo so dillii wiya ko ndoondi haali
Debbo so dillii ‘ko ndoondi haali”
Gorko so dillii “ko ndoondi haali”
Ndoondi dey haalaani maayde sagataaɓe
Kono haala ndoondi fijirtaake
Wonaa ngamri e dooro fijo boombi
Ko fijirde dennge jarnaaɗe e baaɗi
So kaan haala woniino ŋayso ŋaysooɓe
Haala ndoondi wontii woroore jaysooɓe
Kaan haala woniino dikkanɗe bawɗi
Bawɗi ƴiiwam e digannde ndiirgu dimaaɗi

O wiyi nde nayi Fuuta konaa taƴti maaje
Maa Alla e coppi jowolnaaɓe
Coppi jowolnaaji ko jaambareeji
Eɗi pellee eɗi njahra deedi
Ha ɓe nanngi he koyɗe tillissaji
Hammee fiyaa yahri hoyre
Haa saayaande mum moddi kebbe

…Maa mi haalane ko njiy mi
….. Ɓawri ko aan laaɓndii mi
Nuldu am “naamu” mi nuldu maa jeynge
ƴeew maa hanki jibin hannde
Kono maa sagataaɓe ngonta DARTIYANKOOƁE
Sagataaɓe ɓe kala ɗum ne gooto-gooto
Kaaw Tokosel banndu Ceerno
Banndu Kodda e Ciiwri Baari
Mawnum rayhaana waɗi wutte ooli
Tawaa hare momti gacce

O teɓɓii fetel o totti koode
Fetel lonka, hare ndimaagu
Koode ciɓii mbeeɗi lewru
lewru totti maleykaaji
o wiyi o salaaki ɗoon baawɗe kaaɗi.

………………………. DAS, JAMMA JAMMA