Lewru jolal jolanaani leñol am
E ndu lewru henndu lor e
meseer moyli e leydi am
Ko wonno ñalngu ɗelñitere ndimaagu am
Wontii ñalngu muusalla e bojji
ngenndi am
Wul Taaya taaynii kala jikke
e jimme e Fuuta am.
Maaje bojji e ƴiiƴe o walnii e Waalo am.
Girji makko o hursinii haa Gidimaga
am.
28 jolal jolanaani leñol am
28 kooninke ɓaleejo njargaa jamma
jeeytaare am
Ko koloñaal jommbaani o rufi dum e
jey baaba am.
Gaño dawri ñifde kala hoodere ɓaleere e leydi am.
Laamu warhooreewu sari leñamleñamaawu e ngenndi am.
He dow ŋañaŋañalde o tekki jamfa
o takki jamfa koninkoo6e Fuuta.
Jamma 28 jolal jolanaani leñol am to Inal
Mi woyii yargaa6e e seddeende to Inaal
Koolol borjeende lenngaa gila mutal haa puɗal.
28 koninke toɗɗaa e doggol ina ɗeɗɗoyee e ɓoggol
Ngam semmbinde e belaaɗe dawrugol kiiɓal
Jamma 28 jolal jolanaani leñol am.
Kono ɓerɗe ƴerii e Abdullaay e Umar worɓe Njaawaldi
Yumma gooto e baaba gooto njiydi be ngubbidii
Ko kuraaji ɓe mberlii adaa naatde ɓoggi
Ngañgu maɓɓe timmii e warngo ɓikkon yumma Njaawaldi.
Sammba Sumarel e o jamma ɓe njargii,
Sammba mo baaba Bokar gorko mo Bilbasi.
Tokara makko Sammba Demmba Kulibali ɓe nguddirii
korsudo baaba Demmba ɓe naworii ko toon heddii.
Ko ɓuri duubi dutal, o jamma yejjitde min jogoraani.
28 jolal jolanaani leñol am.
6e hudaaɓe jaasɓe mbonnii leydi am,
ngubbii mahgol ngootaagu e ngenndi.am,
ngaawi jalludi ngañantumaagu e ɓesngu am
Ko wonno jamma wellitaare e weltaare
wontii jamma boomaare e sunaare.
28 jolal jalanaani leñol am.
Sagataaɓe teelii he gasɗe ɗe maantaaka.
Hay njanalon ɓe mbaɗanaaka be kaandinaaka.
lootde 6e e juulde 6e kam hoyɗaaka.
28 jolal jolanaani leñol am
Maawuya lorii tuddule baasal e nder majal
O woynii cim-cim mawdo jom duubi dutal
O werlii seemeɓɓe e baayeeji e karawal
O soñii sagataaɓe laatinoo6e calɗi leñol.
O jamma nibbo jolal e jeereende Inaal.
Min njejjittaa ngol ciimtol haa buutufal.
Mo weltanii jamma 28 jolal min mbaɗa ɗum beeynel
Min mberlo ɗum e caanngol nantetaake no
olel.
28 jolal jolanaani kadi jalanaani leñol am e
daartol.
Kaaw Tuure to Jowol.