YIMRE: SEPPO UMMITIIBE -JIBRIIL HAMMEE LIH.

S

eppo maayɓe heblaama 

Maayɓe mbiyi yo mbaɗane genaale
Ɓe cuppitiriima Wocci ɓe cuppitiriima Inaal
ɓe cuppitiriima Sori Malee ɓe cuppitiriima Aslaat
ɓe cuppitiriima Gidimaka ɓe cuppitiriima kala nokku
Ɓe pindinii wonnooɓe Jowol e Seylibaabi e lelinooɓe kala nokku.
Ɓe mbaɗii seppo, ɓe tiindiima galle Laamu
Ee ndaw punndi ñande heen
Alaa ko yiyotoo so wonaa cammalle daneeje ko wonnoo yeeso fof dogii
Enndunooɓe falaade fof lelnii kabirɗe, purngilii
Ko njuulno-ɗon min ko ko fuuntifuneere
Min ɗaɓɓaani min coklaani
Min mbiyi ko yo haala amen haale
Min mbiyi ko yo annde holi baɗɗo e hol ko waɗi
Wonaa on njaafiima koye mon?
Hol heen geɗal amen?
min ngontaa deƴƴu aduna nanat ko maayde wonnoo miin maayii
hol ko kure mon mbaawani maayɓe? min ceppat, min kaalat
Hol ko waawi dartinde min?
Oɗon njiɗi nande gaaci belɗi?
On ngontaa nande so wonaa kaamtaali amen
On ngontaa yiyde ko yooɗi ma min keedtu on e fooyre
On ngontaa uurnaade henndu welndu ma min cokir kine mon balngol amen
Oɗon njiɗi ko yoooɗi?
oɗon njiɗi ko uuri?
Mbaɗee goonga keɓo.

Jibriil Hammee Lih.